Ibinasura ng Manila RTC Branch 46 ang inihaing ‘motion to quash information’ ni Rappler CEO Maria Ressa at kapwa akusadong si Reynaldo Santos, Jr.
Ayon kay Judge Rainelda Estacio-Montesa, hindi niya pinagbigyan ang mosyon dahil sa kawalan ng merito kaya’t itinakda ang arraignment nina Ressa at Santos bukas ng umaga.
Sina Ressa at Santos ay nahaharap sa kasong cyber libel matapos i republish ng Rappler ang isang mapanirang artikulo laban sa negosyanteng si Wilfredo Keng.
