Magbibitiw na sa puwesto si Australian Senate President Stephen Parry.
Ito ay matapos kumpirmahin ng British Home Office na si Parry ay isang UK dual citizen.
Sa isang pahayag, sinabi ni Parry na mabigat sa kanyang loob ang magbitiw sa pwesto.
Noong Biyernes, nagpasya ang High Court of Australia na ipawalang bisa ang boto ng limang nanunungkulang opisyal dahil sa pagkakaroon ng dual citizenship.
Si Parry ay ikatlong miyembro ng Australian government na nawalan ng puwesto matapos ng pagkaka-diskwalipika kina Deputy Prime Minister Barnaby Joyce at Regional Development Minister Fiona Nash.
