Suspendido ngayong araw ang number coding sa Metro Manila maliban sa Las Piñas bilang paggunita sa araw ng mga patay.
Dahil dito maaaring gamitin ng mga motorista ang kanilang mga sasakyan kahit ani pa ang huling numero sa plaka ng mga ito.
Samantala , suspendido na rin bukas, a- primero ng Nobyembre ang number coding sa buong Metro Manila.
Sinabi naman ni MMDA Spokesperson Celine Pialago na kanila pang hinihintay kung magkakaroon ng abiso para sa suspensyon ng Nobyembre sa a- dos ng Nobyembre.
Paalala pa ng MMDA , sarado pa rin hanggang ngayong araw ang mga kalsada kabilang ang Aurora boulevard mula Dimasalang hanggang Rizal Avenue; Dimasalang mula Boulevard Makiling hanggang Blumentritt; at P. Guevarra mula Cavite hanggang Pampanga
Habang sarado naman simula hatinggabi bukas hanggang alas 3:00 ng madaling araw ng a- dos ng Nobyembre ang Blumentritt mula a. Bonifacio hanggang P. Guevarra; Retiro mula Dimasalang hanggang Blumentritt exit at Leonor Rivera mula Cavite hanggang Aurora.
