Nanumpa na bilang bagong alkalde ng Iloilo City si Mayor Jose Espinosa III.
Kasunod na din ito ng pagsisilbi ng Department of Interior of Local Government o DILG ang dismissal order laban sa dating mayor Jed Patrick Mabilog kaninang tanghali sa Iloilo City Hall.
Nanumpa si Espinosa kay Reyland Hervias, pangulo ng Association of Barangay Captains o ABC.
Binasa ni DILG Region 6 Legal Officer Atty. Cedric Jaranilla ang nilalaman ng dismissal order na tinanggap ni Atty. Jonas Pueblo na abogado ni Mabilog.
Kasabay ng kanyang pag-upo bilang alkalde ng Iloilo City, sinabi ni Espinosa na ipagpapatuloy nito ang mga magandang programa na nasimulan ni Mabilog.
Tututukan din aniya ng kanyang administrasyon ang peace and order sa lungsod para matiyak ang patuloy na paglago ng ekonomiya ng Iloilo City.
