Namahagi ang pamahalaan ng Amerika ng mga sasakyan at pasilidad sa PDEA o Philippine Drug Enforcement Agency na gagamitin para sa kampanya ng pamahalaan kontra droga.
Ayon kay PDEA Chief Aaron Aquino, isa sa mga ibinahagi sa kanila ng US ay ang dalawang palapag na gusali sa Camp General Mariano Castañeda.
Gagamitin aniya ito ng mga ahente at drug enforcements na isasailalim sa anim na buwang training.
Maliban dito namigay din ang Amerika ng isang van at tatlong motorsiklo na maaari umano nila magamit sa kanilang mga operasyon.
Tiniyak naman ni Us Embassy Charge d’ Affaires Michael Klecheski na mananatiling naka-suporta ang Amerika kaugnay sa kampanya ng administrasyon laban sa iligal na droga at terorismo.
—-
