Pansamantalang sa isang drug rehabilitation center muna mag-oopisina ang mga kawani ng kapitolyo sa Marawi City.
Kasunod ito ng pagbabalik sa lungsod ng mga empleyado ng City Hall sa gitna na ng nagpapatuloy na bakbakan ng tropa ng pamahalaan at grupong Maute.
Ayon kay Marawi City Mayor Majul Usman Gandamra, hindi pa maaaring magamit sa office operations ang city hall dahil sa mga tumatamang ligaw na bala.
Dagdag pa ni Gandamra, nais nilang ipagpatuloy ang serbisyo sa mga residente ng Marawi at simulan nang talakayin ang mga plano para sa rehabilitasyon o muling pagbangon ng kanilang lungsod.
By Arianne Palma
