Matagal nang usap-usapan ang umano’y paghihiwalay nina Pia Wurtzbach at nobyong car racer na si Marlon Stockinger.
Nananatili mang tikom ang dalawa sa tunay na estado ng kanilang relasyon ay tila may dapat nang ikabahala ang kanilang fans ngayon.
Ito’y dahil kapwa binura na nina Pia at Marlon ang mga larawan ng bawat isa sa kani-kanilang Instagram accounts.
Isa na rito ang sweet photo ng dalawa habang nagbabakasyon sa Hawaii na may caption na “Nothing’s changed.”
Ang pagbubura ng mga larawan ay naganap matapos na i-unfollow ni Marlon si Pia sa Instagram isang buwan na ang nakararaan.
Matatandaang tila nagkalamat ang relasyon ng dalawa matapos na lumabas ang isang model na nagsabing si Marlon ang ama ng kanyang kambal na anak.
Unang kinumpirma ng dalawa ang kanilang relasyon noong Enero.
AR/ DWIZ 882
