Pinasisibak ni Senate Minority Floor Leader Franklin Drilon si Caloocan City Prosecutor Dawrin Caniete.
Kaugnay ito ayon kay Drilon sa bias na pahayag ni Caniete sa kaso nang pagpaslang sa 17 anyos na si Kian Loyd Delos Santos.
Sinabi ni Drilon na batay sa naging post ni Caniete sa kaniyang social media account mistulang nag aabogado ito sa pag-depensa sa mga pulis Caloocan na nakapatay kay Kian.
Nakakabahala aniya ang nasabing post ni Caniete na hindi dapat pinapayagan ni Justice Secretary Vitaliano Aguirre dahil nakataya rito aniya ang maayos at patas na administration of justice.
Bukod dito ipinabatid ni Drilon na kilalang supporter ng war on drugs ng gobyerno si Caniete kayat malabo itong maging patas sa paghawak sa nasabing kaso.
By Judith Larino
SMW: -RPE
