Tatanggap ng parangal ang hepe ng Ozamiz City Police na si Chief Inspector Jovie Espenido.
Ito ay dahil sa pagbaba ng mga aktibidad na may kinalaman sa iligal na droga sa lungsod.
Kabilang sa tatanggapin ni Espenido ang “special award for anti-illegal drugs campaign” kung saan ay posibleng si Pangulong Rodrigo Duterte pa ang mag-abot ng parangal sa gaganaping police service anniversary sa Miyerkules.
Nilinaw naman ni PNP Chief Director General Ronald ‘Bato’ Dela Rosa na ang parangal na ibibigay kay Espenido ay hindi dahil sa pagkakapatay kay Ozamiz Mayor Reynaldo Parojinog Sr.
PAKINGGAN: Bahagi ng pahayag ni PNP Chief Director General Ronald dela Rosa
‘Most requested’
Samantala, posibleng mailipat si Espenido sa lugar na magiging susunod na target ng war on drugs.
Ito ang inihayag ni Dela Rosa, kasunod na rin pagkamatay ng mga umano’y narco mayors sa Albuera Leyte at Ozamiz City.
Ani Dela Rosa, pinag-aaralan na nila kung saan maaaring ilipat si Espinido na aniya’y most requested sa iba’t ibang lugar kung saan talamak umano ang operasyon ng iligal na droga.
PAKINGGAN: Bahagi ng pahayag ni PNP Chief Director General Ronald dela Rosa
By Ralph Obina | Krista de Dios