BIFF at militar nagkasagupa sa Maguindanao; 5 miyembro arestado

Naagapan ng militar at pulis ang di umano’y tangkang pag-atake ng BIFF o Bangsamoro Islamic Freedom Fighters sa ilang komunidad sa Maguindanao.

Ayon kay Col. Bismarck Soliba, Commander ng First Mechanized Infantry Brigade, agad silang naglunsad ng operasyon makaraang makatanggap ng impormasyon hinggil sa presensya ng BIFF sa ilang komunidad.

Nagkaroon aniya ng halos isang oras na engkwentro na nagresulta sa pagkakadakip nila sa limang (5) miyembro ng BIFF.

Na-recover rin ang dalawang kalibre singkwentang barret sniper rifle, tig-isang M60 machine gun, RPG, M14 rifle at M16 rifle.

By  Len Aguirre | with report from Jonathan Andal (Patrol 31)   

Comments

comments