Nagkakamali rin maging ang mga pinunong may karanasan na.
Ito ang tugon ni Senadora Grace Poe sa tinuran ni Senador Serge Osmeña na mas maigi kung tatakbo muna ito bilang Vice President sa 2016 elections kaysa pagka-Pangulo agad.
Sa paniwala ni Osmeña, mas magiging magaling na Pangulo si Poe kung magsisilbi muna ito ng anim na taon bilang Bise Presidente.
Sinabi ni Poe na naiintindihan nito ang sentimyento ni Osmeña ngunit idinagdag niyang maging ang mga eksperyensadong pinuno ay nagkakamali rin kung hindi malinis ang intensyon para sa mga tao.
Kung sakaling tumakbo at mahalal bilang Pangulo si Poe sa 2016, ito ang magiging kauna-unahang Presidente ng Pilipinas nang hindi dumadaan sa pagka-Bise Presidente.
By Avee Devierte
