Sinampahan na ng kasong rebelyon ng DOJ o Department of Justice ang labing isang (11) indibidwal kaugnay ng kaguluhan sa Marawi City.
Ayon kay Justice Secretary Vitaliano Aguirre, kabilang sa mga kinasuhan ay ang ina ng Maute brothers na si Ominta Romato Maute alyas Farhana at dating Marawi City Mayor Fajad Salic.
Isinampa ang kaso sa Misamis Oriental Regional Trial Court pero hindi pa alam ni Aguirre kung kaninong hukom ito nai-raffle.
Aniya, nakitaan ng probable cause ang mga akusado sa pakikipagsabwatan sa ISIS inspired Maute Group na nagsagawa ng rebelyon laban sa pamahalaan.
By Krista De Dios
