Nadagdagan pa ang bilang ng namatay sa lumubog na bangka sa Romblon noong Biyernes.
Ayon sa PCG o Philippine Coast Guard, sa pagpapatuloy ng search and rescue operations ay nakakuha pa ng tatlong (3) bangkay ng tao na pasahero ng naturang bangka.
Sa kabuuan ay umaabot na sa pito (7) ang namatay sa naturang aksidente sa dagat habang tatlong (3) iba pa ang pinaghahanap at apatnapu’t lima (45) naman ang nailigtas.
Nanggaling ng Sibuyan Island ang MB Alan Express 3 at patungo sana ng Romblon Port nang tumaob ito dahil sa malakas na alon.
By Rianne Briones
