Nagpasalamat ang bansang Greece sa Amerika makaraang makakuha ito ng panibagong bailout mula sa Eurozone.
Ayon kay Greek Deputy Prime Minister Yannis Dragasakis, malaki ang naitulong ng Amerika para makakuha ulit sila ng bailout na siyang kailangan bunod ng nararanasang financial crisis doon.
Gayunman, mananatiling nakasarado pa rin ngayong araw ang mga bangko sa Greece kaya’t limitado pa rin sa 60 euros ang maaaring gawing widthrawal araw-araw.
Ayon kay Greek Economic Minister George Stathakis, hindi magbubukas ang mga bangko sa kanilang bansa hangga’t hindi naibabalik ng European Central Bank ang pagbibigay ng pondo sa pamamagitan ng emergency liquidity assistance.
By Jaymark Dagala
