Pinaiimbestigahan ng Malacañang sa Department of Environment and Natural Resources o DENR kung paano nakarating sa Capas, Tarlac ang mga basurang nagmula sa Canada.
Nais malaman ng Palasyo kung sino ang responsable sa pagdadala ng mga basurang umano’y hospital waste ng Canada na nakalagay sa container vans.
Sinabi ni Presidential Communications Secretary Sonny Coloma na hindi tamang itapon sa mga probinsiya ang mga basurang dinala sa bansa kaya’t dapat na mapanagot ang responsable dito.
Matatandaang kinasuhan na ng gobyerno ang importer at brokers ng mga basurang nagmula sa Canada, subalit hindi binanggit kung ano ang ginawa sa mga container vans na karamihan ay hospital waste ang laman.
By Meann Tanbio
