Hinimok ng lokal na pamahalaan ang mga residente sa isang barangay sa Marikina City na lisanin ang kanilang komunidad dahil sa panganib ng pagkakaroon ng landslide.
Ito’y bunsod umano nang patuloy na paglambot ng lupa na kinatitirikan ng kanilang mga bahay dahil sa sunod-sunod na pag-ulan.
Sinasabing nakitaan na ng mga bitak ang pundasyon ng ilang bahay sa Brgy. Fortune kaya’t posibleng gumuho sakaling magtuloy-tuloy ang malalakas na pag-ulan.
Ayon naman kay Val Barcinal ng National Disaster Risk Reduction Management Office (NDRRMO), ayaw umalis ng ilang residente dahil natatakot na baka hindi na sila pabalikin sakaling bumuti muli ang panahon.
By Jelbert Perdez
