Ipinagtanggol ng mga opisyal ng Malacañang si Pangulong Benigno Aquino III.
Ito’y may kaugnayan sa alegasyong nakikisawsaw umano ang Pangulong Aquino sa pulitika para maiangat ang mga manok ng administrasyon sa nalalapit na halalan.
Sinabi ni Presidential Communications Secretary Sonny Coloma na ang ikinakampanya ng Pangulo ay ang pagpapatuloy ng Daang Matuwid para magtuloy-tuloy ang pagganda ng buhay ng mga Pilipino.
Binigyang-diin ni Coloma na sa loob ng lima at kalahating taong termino ng Aquino administration, nagbago ang buhay ng mga mahihirap na Pilipino sa pamamagitan ng 4P’s, PhilHealth at Pamana kaya’t patuloy itong nananawagan sa sambayanan na huwag hayaang mawala ang tuwid na daan.
By Meann Tanbio | Alileen Taliping (Patrol 23)
