Mga ulilang kabataang lalaki nirerecruit na ng Maute

Nag-rerecruit na umano ng mga ulilang kabataang lalaki ang Maute terrorist group o Dawlah Islamiyah sa Lanao del Sur.

Gamit ang pera ay hinihimok umano ng Maute sub-leader na si Imam Avelino Bantayaw ang mga binata lalo ang mga walang magulang na sumali sa grupo.

Bagaman kabilang si Bantayaw sa mga napatay sa pakikipagsagupaan sa militar sa bayan ng Piagapo kamakailan, maaaring nag-rerecruit pa rin ang grupo ng mga bagong miyembro.

Ayon kay Brig. General Nixon Fortes, Commander ng 103rd Infantry Brigade, nawatak-watak ang Maute matapos ang matinding sagupaan pero makatitiyak ang publiko na tutugisin ng mga sundalo ang mga nagtatagong bandido.

Sa ngayon anya tanging sina Abu Dar, mga bomb expert na sina Najib Pundog at Abu Sumpa ang nakilala ng militar as mga tumakas na miyembro ng Maute.

By  Drew Nacino

Comments

comments