Kinukupirma pa ng AFP o Armed Forces of the Philippines ang ulat na patay na ang Abu Sayyaf Group Leader na si Isnilon Hapilon.
Ayon kay AFP o Armed Forces of the Philippines Chief of Staff General Eduardo Año, wala pang kumpirmasyon mula sa kanilang mga field units na patay na nga ang nasabing ASG leader sa kabila ng naging pahayag ni Pangulong Duterte.
Batay sa huling impormasyon ng militar, apat na ASG member ang nagbabantay kay Hapilon matapos mapabalitang malubhang nasugatan sa engkwentro nooong Pebrero.
Nagpapalipat-lipat umano ang mga ito ng mg lugar sa kabundukan ng Butig Lanao del Sur.
Tiniyak naman ni Año na tuloy lang ang pagtugis ng militar sa mga tauhan ni Hapilon sa Lanao at Basilan.
By Krista de Dios | Report from Jonathan Andal (Patrol 31)
