Binuksan sa Lungsod ng Maynila ang isa sa pinakamalaking dialysis center na mayroong libreng serbisyo sa buong bansa.
Kayang serbisyuhan ang nasa halos 100 pasyente ng Flora V Valisno De Siojo Dialaysis Center sa loob ng Gat Andres Bonifacio memorial Medical Center sa Tondo.
Mayroon itong 91 dialysis machines na maaaring magamit ng libre ng mga pasyente.
Ikinatuwa naman ni Manila Mayor Isko Moreno ang pagbubukas ng dialysis center sa ilalim ng kanyang pamumuno.
Aniya, mas palalawigin pa ng mga health workers ang kanilang serbisyo at labis niya itong ikinagagalak.
Bukod sa dialysis machines ay mayroon din itong blood banks at mga sasakyang pwedeng gamitin ng mga pasyente.
