Nagpiyansa ng 200,000 Pesos ang self-confessed hitman na si Edgar Matobato sa kasong frustrated murder na kanyang kinakaharap sa Digos Regional Trial Court Branch 19, sa Davao del Sur.
Sinasabing nagtungo si Matobato sa Manila City Hall upang sumuko at harapin ang arrest warrant na inilabas ng korte laban sa kanya pero dinala sa Manila Police District Headquarters.
Inihain ni Matobato ang kanyang piyansa sa Manila Regional Trial Court Branch 24.
Sumailalim naman sa booking procedure sa MPD ang umano’y Davao Death Squad member kung saan kinunan siya ng mugshot bago pinalaya.
By: Drew Nacino / Aya Yupangco
