Patay ang apat (4) na pulis at isa ang sugatan sa isang ambush na ginawa umano ng mga hinihinalang New People’s Army (NPA) sa Bansalan, Davao del Sur kaninang alas-7:30 ng umaga.
Ayon kay Davao del Sur PNP Director Senior Supt. Dario Gunabe, reresponde sana sa isang murder case sa Brgy. Sibayan ang dalawang tauhan ng SOCO at tatlong (3) pulis ng Bansalan Municipal Police Station subalit hindi pa mana nakakarating sa crime scene ang mga pulis, pinaputukan na ito ng mga rebeldeng NPA.
Kaagad aniyang nasawi ang mga pulis dahil matindi at malapitan ang tama ng bala sa katawan ng mga ito.
Hindi muna pinangalanan ang mga nasawing pulis habang hindi pa naipapaalam sa pamilya ng mga ito ang nangyari sa kanila.
Nakarekober naman sa crime scene ng IED o improvised explosive device ang mga awtoridad.
By Judith Larino | Report from Jonathan Andal (Patrol 31)
Photo Credit: Dy Sonny
