Pinatunayan lamang ng pagkaka-aresto kay Senadora Leila De Lima na gumagana ang sistema ng katarungan sa bansa.
Ito ang reaksyon ni House Speaker Pantaleon Alvarez makaraang maaresto na ng mga awtoridad si De Lima na nahaharap sa mga kasong may kinalaman sa iligal na droga.
Matituturing aniyang tagumpay ng administrasyong Duterte ang pangyayaring ito kay De Lima lalo na sa kampanya ng pamahalaan kontra iligal na droga.
Giit pa ni Alvarez, nakatitiyak siyang pagdurusahan ni De Lima ang kaniyang mga ginawa lalo’t mabibigat din ang mga ebidensyang magdiriin sa kaniya.
By Jaymark Dagala |With Report from Jill Resontoc
