Sinimulan na ang soil test sa runway ng Surigao City Airport matapos itong masira dulot ng pagtama ng magnitude 6.7 na lindol doon.
Ayon kay Eric Apolonio, tagapagsalita ng CAAP o Civil Aviation Authority of the Philippines, anuman ang magiging resulta ng soil test ay itutuloy pa rin nila ang rehabilitasyon sa nasabing paliparan.
Isinagawa ang soil test para matukoy kung may faultline sa ilalim ng runway.
Prayoridad ng CAAP na mabuksan ng runway ng Surigao City Airport upang mabilis na madala ang relief goods at iba pang tulong ng pamahalaan sa mga biktima ng lindol.
By Meann Tanbio | Report from Raoul Esperas (Patrol 45)
