Kinontra ng Malakanyang ang pahayag ng February 25 Coalition na nagpapakita na umano ng pagiging diktador ang Duterte Administration.
Sinabi ni Presidential Spokesman Ernesto Abella, ipinapakita lamang ni Pangulong Rodrigo Duterte ang malakas na political will sa kanyang pangangasiwa at hindi ito nangangahulugan ng pagiging diktador.
Binigyang diin ni Abella na ang mga aksiyon ng Pangulo sa mga idinitalye ng February 25 Coalition ay pagtugon sa mga isyu at problema ng bansa.
Kabilang sa mga isyung tinukoy ng komisyon ay ang maaanghang na salita ng Pangulo laban sa mga pari at obispo, pagbaba ng edad sa pananagutang kriminal at iba pa.
By: Rhianne Briones / Aileen Taliping
