Bigong makalusot sa Commission on Appointments (CA) ngayong araw si Justice Secretary Vitaliano Aguirre.
Ito’y makaraang pagbigyan ng Committee on Justice ng CA ang hirit ni Senate Majority Floorleader Ralph Recto na pagbigyan ang kahilingan ni Senador Antonio Trillanes na makumpronta ang kalihim kaugnay ng mga umano’y masasakit na banat ni Aguirre laban kay Trillanes.
Ayon naman kay Secretary Aguirre handa siyang harapin si Trillanes sa susunod na pagdinig sa February 15, 2017.
Aniya hindi mahirap para sa kanya ang mag-sorry kung nasaktan man niya ang damdamin ng senador.
Sinabi pa ni Aguirre na isa sa mga dapat niyang matutunan bilang opisyal ng gobyerno ay ang huwag maging balat sibuyas.
Report from Cely Bueno (Patrol 19)
