Inilatag ng ilang Senador ang mga isusulong nilang pet bills sa pagbabalik-sesyon nila sa Lunes, Enero 16.
Ayon kay Senador Grace Poe, kabilang sa kanyang isusulong ay ang libreng pananghalian sa lahat ng elementary public school at ang Freedom Of Information.
Nakatakda namang isulong ni Senador JV Ejercito ang panukalang paglikha ng Department of Housing at libreng matrikula.
Sa panig naman ni Senador Sherwin Gatchalian, sinabi nito na tututukan nilang maipasa ang panukalang free higher education, free irrigation, at feeding program.
Una rito, inihayag ni Senate President Aquilino “koko” Pimentel na may istratehiya silang gagawin upang masigurong marami silang maipapasang panukalang batas mula ngayong Enero hanggang Marso.
By: Meann Tanbio / Cely Bueno
