Patay ang isang prosecutor matapos pagbabarilin sa Barangay Old Balara sa Quezon City.
Kinilala ang biktima na si Quezon City Fiscal Noel Mingoa na binaril sa harap ng isang Cebu Lechon Restaurant sa Commonwealth Avenue pasado ala-1:00 kaninang madaling araw.
Mahigit labing apat (14) na basyo ng bala ng hindi pa matukoy na baril ang natagpuan ng mga awtoridad sa crime scene.
Lumalabas sa paunang imbestigasyon na si Mingoa ay binaril ng isang lalaki na sakay ng itim na kotse.
Inaalam pa ang motibo sa pamamaril.
By Judith Larino | Jopel Pelenio (Patrol 17)
