Nilinis na ng lokal na pamahalaan ng Maynila ang mga kalsadang dadaanan ng prusisyon ng Itim na Nazareno sa Lunes.
Mahigpit na ipinag-utos ni Manila Mayor Joseph Estrada na siguruhing malinis at ligtas ang mga kalsada hindi lamang sa mga deboto kundi sa maging sa mga motorista.
Ilang araw bago pa man ang prusisyon ay sinimulan na ng City Engineer’s Office ang pagpapaalis sa mga sidewalk vendors, pagtanggal sa mga iligal na istruktura at mga sasakyang iligal na naka-park sa kalsada.
Sarado na rin ang mga manhole at kanal at nakaayos na rin ang mga nakalaylay na kable ng kuryente.
By Rianne Briones
