Tinamaan ng magnitude 6.9 na lindol ang Northern Japan.
Dahil dito, agad na nagpalabas ng tsunami advisory ang Japan Meteorological Agency partikular sa Northern Pacific Coast at kasalukuyang pinalilikas na ang mga residente tungo sa mas mataas na lugar.
Ibinabala ang nasa 1 hanggang 3 metro na taas ng alon.
Sinasabing natukoy ang sentro ng lindol sa baybayin ng Fukushima Prefecture na may lalim na 10 kilometro.
Wala pang iniulat na nasawi o napinsalang mga ari-arian sa naturang pagyanig.
By Jelbert Perdez
Photo Credit: AFP
