Binigyang diin ni Manila Mayor Joseph Estrada na hindi na maglalagay ng night market sa Divisoria.
Ito, ayon kay Estrada, ay upang mas maging maginhawa ang pamimili ng mga mamamayan ngayong panahon ng Kapaskuhan.
Aniya, maaari nang asahan ngayon ng publiko ang maayos na kondisyon sa Divisoria dahil na rin sa pinaigting na road clearing operations ng pamahalaang lungsod.
Sinasabing hindi rin ikinukonsidera ni Estrada na payagan ang night market sa kahabaan ng Recto Avenue mula Abad Santos hanggang Juan Luna sa susunod na buwan dahil mas makakadagdag lang ito sa bigat ng trapiko.
By Jelbert Perdez
