Hawak na ng PNP Internal Affairs Service ang affidavit ng nasa 20 testigo sa isinagawang operasyon ng CIDG Region 8 sa Leyte Sub-Provincial Jail kung saan pinatay si Albuera Leyte Mayor Rolando Espinosa.
Kasama sa kinuhanan ng salaysay ang ilang bilanggo, jail guard, at ang 4 na pulis na nakaduty sa lugar nang maganap ang operasyon noong Sabado ng madaling araw.
Ayon kay PNP Internal Affairs Service inspector General Angelo Leuterio, halos patapos na ang pre-charge investigation ng nila.
Ang kulang na lang, aniya, ang counter affidavit ng 19 na pulis na sangkot sa insidente.
Binigyan sila ng 10 araw ng PNP Internal Affairs Service para magsumite ng kanilang mga salaysay.
By: Avee Devierte / Jonathan Andal
