Tuluyan nang nakalusot sa kumpirmasyon ng makapangyarihang Commission on Appointment (CA) ang apat na kalihim ng Duterte administration.
Kabilang sa mabilis na nakapasa sa pagkilatis ng CA members sina Communication Secretary Martin Andanar, Labor Secretary Silvestre “Bebot” Bello, Finance Secretary Carlos Dominguez at Energy Secretary Alfonso Cusi.
Bagama’t tinangka ng ilang miyembro ng komisyon na kwestyunin ang appointment ni Andanar, nakalusot pa rin ito matapos ang ilang minuto.
Una na ring nakalusot sa CA si Budget Secretary Benjamin Diokno noong nakaraang pulong ng makapangyarihang lupon.
By Mariboy Ysibido | Cely Bueno (Patrol 19)
