Nagbabala ang POEA laban sa recruiters na nag aalok ng trabaho sa pamamagitan ng email, katulad ng Omegal Manpower Services Limited.
Sinabi ni POEA administrator Hans Leo Cacdac, ang naturang recruiter na nakabase umano sa Ireland, ay nangako ng komisyon na kasing laki ng isang buwang sahod ng magiging OFW, sa mga manpower broker o kaya mga indibidwal na magbibigay sa kanila ng trabahador.
Kabilang umano sa mga job order na mayroon ang Omegal ay mula sa mga bansang Canada, Mexico at Europa.
Binigyang diin ni Cacdac na hindi totoo ang Omegal Manpower Services Limited at hindi dapat nag aalok ng komisyon o naniningil ang mga recruitment services.
Pinaalalahanan ni Cacdac ang mga nais magtrabaho abroad na mag ingat sa mga naglipanang pekeng website, kumpanya at job orders at makabubuting sa POEA na dumeretso ang mga ito.
By: Katrina Valle / Allan Francisco
