Nag-face off na sina Democratic presIdential Candidate at Republican Donald Trump sa unang sigwada ng US presidential debates.
Naging mainit ang debate ng dalawang presidential candidate kung saan kabilang sa mga isyung tinalakay ay ukol sa trabaho, tax, pambansang seguridad, mga hakbang upang labanan ang isis at terorismo, racial discrimination, mga polisiya at mga kasunduan ng amerika sa ibang bansa.
Binanatan ni Trump si Clinton dahil tinagal-tagal aniya sa gobyerno ng dating US Secretary of State at dating senadora ay bigo naman itong solusyunan ang mga problemang kinakaharap ng Amerika.
Sa isang bahagi naman ng debate, inakusahan ni Clinton ang katunggaling si Trump ng pagsusulong nga mga polisiya na papabor lamang sa mga mayayaman.
Samantala, binigyang diin ni Clinton na anumang mutual defense treaty na pinasok ng Estados Unidos sa ibang bansa ay kanyang igagalang kung siya ang mauupo sa puwesto.
Pero para kay Trump, hindi aniya kaya ng Estados Unidos na magpatupad ng kaauyusan sa buong mundo kayat marapat lamang na mag-focus ang gobyerno sa pagpapaulad sa sarili nitong bansa.
By Ralph Obina
Photo: BI Politics
