Nakatakdang bisitahin ni Pope Francis sa kauna-unahang pagkakataon ang Iraq sa darating na Marso 5 hanggang 8 ng susunod na taon.
Ayon kay Vatican Spokesman Matteo Bruni, kabilang sa pupuntahan ni Pope Francis ang capital ng Iraq na Baghdad, City of Ur na iniuugnay sa binanggit na lugar ni Abraham sa old testament.
Gayundin ang mga siyudad ng Erbil, Mosul at Qaraqosh Nineveh.
Sinabi ni Bruni, kanilang ipalalabas ang programa at aktibidad ng biyahe ni Pope Francis sa hinaharap dahil kinakailangan pang ikonsidera ang magiging sitwasyong pangkalusugan sa buong mundo.
Ngayong taon, unang itinakda ang biyahe ni Pope Francis sa Iraq pero naantala ito dahil sa usapin sa seguridad at COVID-19 pandemic.