Masyadong halata ang kasinungalingan kaya’t hindi pag-aaksayahan ng panahon ni Pangulong Rodrigo Duterte ang mga isiniwalat ng witness ni Senadora Leila de Lima.
Ito ang inihayag ni Chief Presidential Legal Counsel Salvador Panelo kasunod ng mga pahayag ni Edgar Matobato na nagdiriin kay Pangulong Rodrigo Duterte sa mga extra judicial killings sa Davao City.
Sinabi ni Secretary Panelo na mismong mga Senador ang nakabuko sa pagsisinungaling ni Matobato kaya hindi ito pinapansin ng Pangulo.
Batid anya ng mga abogado kung nagsisinungaling ang isang tao kaya’t hindi na ito pinag-aaksayahan ng panahon.
Iginiit ni Panelo na hindi na kailangang sumagot ng punong ehekutibo sa mga pasabog ni Matobato dahil matalino at magaling na abugado ang Pangulo
By: Drew Nacino / Aileen Taliping
