Nadagdagan ang bilang ng mga senador na nakapirma sa partial report ng Senate Blue Ribbon Sub Committee, na nagrerekomendang kasuhan ng plunder sina Vice President Jejomar Binay, Makati Mayor Junjun Binay, at iba pang may kaugnayan sa sobrang mahal na parking bulding ng City Hall.
Kasama sa madadagdag sa nakapirma sa committee report, sina Sen. Chiz Escudero, Bam Aquino at Sergio Osmeña.
Ipinaliwanag ni Escudero na pipirma siya sa partial report dahil kumbinsido siya sa laman nito, at ito din ang magbibigay ng pagkakataon sa Bise Presidente, na ipaliwanag ang kanyang panig, sa isang tamang forum.
Dahil dito, dalawang pirma na lang ang kulang ng partial report, para makuha ang mayorya ng Blue Ribbon Committee.
By Katrina Valle | Cely Bueno (Patrol 19)
