Aabot sa mahigit 30 panukalang batas ang tatalakayin ngayon ng Kongreso sa pagbabalik sesyon nito ngayong araw.
Kabilang sa mga panukalang batas na isasalang sa talakayan sa plenaryo ay ang Salary Standardization Law at Customs and Tariff Modernization Act.
Kasama rin ang panukalang paglilimita sa mga dayuhan na magmay-ari ng mga negosyo’t lupain sa bansa gayundin ang Comprehensive Tuberculosis Elimination Plan Act gayundin ang Expanded Maternity Leave of 2015.
Una nang tiniyak ni Senate President Franklin Drilon na hindi mawawala sa kanilang listahan ang pagpasa sa panukalang Bangsamoro Basic Law o BBL.
Sinasabing tatagal lamang ng 3 linggo ang sesyon ng Kongreso at muli itong babalik sa break para bigyang daan ang panahon ng pangangampaniya para sa 2016 presidential elections.
By Jaymark Dagala
