Naihatid na sa kanyang huling hantungan ang biktima ng road rage sa Quiapo Maynila na si Mark Vincent Garalde.
Unang dinala sa Quiapo Church ang labi ni Garalde para sa isang misa bago ang funeral procession mula Quiapo, Espania, Quezon Avenue , UP Diliman bago sa Manila Memorial Park sa Marikina City.
Maliban sa kanyang pamilya, kasama sa mga naghatid kay Garalde ang kanyang mga kapwa siklista.
Si Garalde ay matatandaang nasawi noong July 25 matapos barilin ng Army reservist na si Vhon Tanto dahil lamang sa hindi pagkaka-intindihan sa trapiko.
Nakakulong naman ngayon sa Manila Police District si Tanto.
By Len Aguirre | Aya Yupangco (Patrol 5)
Photo Credit: cnnph
