Naka-full alert na ngayon ang NCRPO o National Capital Region Police Office para sa SONA o State of the Nation Address ni Pangulong Rodrigo Duterte sa Lunes.
Ito ang kinumpimra ngayong araw ni NCRPO Acting Director, Chief Supt. Oscar Albayalde.
Sa ilalim ng full alert status, kanselado ang lahat ng uri ng bakasyon ng mga pulis at dapat nakahanda anumang oras ang mga ito para sa deployment.
Nasa 16,000 pulis ang gagamitin sa Lunes.
Aabot sa 11,000 dito ang ipakakalat sa mga kalsada habang 5,000 ang standby force.
Bukod pa iyan sa mga sundalong ipakakalat din mula sa AFP Joint Task Force NCR.
Una nang sinabi ng PNP na wala silang ihaharang na mga container van sa kalsada, di tulad noong mga nakaraang SONA.
Wala kasi silang inaasahang bayolenteng pagkilos mula sa mga militante sa Lunes.
By Jonathan Andal (Patrol 31)
