Nakatakdang isara ang Northbound Lane ng Commonwealth Avenue mula JOCFER Building hanggang sa Litex, alas 3 ng madaling araw sa Lunes, July 25.
Ayon kay Sr. SUPT. guillermo eleazar, Director ng Quezon City Police District o QCPD, bahagi ito ng preparasyon sa SONA ni Pangulong Rodrigo Duterte sa Lunes.
Aabot naman sa 400 traffic personnel ang ide-deploy ng QCPD.
Kaugnay nito, inilabas na ng QCPD ang listahan ng mga alternatibong ruta na maaaring gamitin ng mga maaapektuhang motorista.
Sa mga tutungo ng Fairview na galing EDSA, ubrang dumaan sa Mindanao Avenue via Quirino Highway o sa Sauyo Road.
Sa mga pupunta naman ng Marikina, Montalban at San Mateo; maaaring tahakin ang Tumana–Balara Road.
By: Meann Tanbio
