Hindi ikinatuwa ng Malakaniyang ang trailer ng American TV series na “Madam Secretary” ng CBS Corporation.
Ito’y makaraang ipakita ang ginawang pambabastos umano ng Pangulo ng Pilipinas sa US Secretary of State na si Dr. Elizabeth Mcroy dahilan upang masuntok nito ang karatkter ng Pangulo.
Ayon kay Presidential Spokesman Ernesto Abella, bagama’t fictional o hindi totoo ang kuwentro, lumilikha aniya ito ng kalituhan sa publiko hinggil sa ipinakikita nilang imahe ng punong ehekutibo.
Mas angkop aniya ang nasabing eksena sa kasalukuyang Pangulo ng Amerika na si Donald Trump kaysa sa Pangulo ng Pilipinas kaya’t dapat ito na lamang ang ginawa ng mga prodyuser ng nasabing programa.
By: Jaymark Dagala / Aileen Taliping