Asahan na ang dalawa hanggang pitong pisong tapyas presyo sa kada kilo ng bigas matapos lagdaan ni Pangulong Rodrigo Duterte Rice Tariffication Law.
Ayon kay Finance Assistant Secretary Tony Lambino, batay sa datos mula National Economic Development Authority ay 57 probinsya ang rice producer at may potensyal na mag-import.
Dahil anya sa mas maayos na produksyon at paggamit ng teknolohiya at agricultural sciences ay maaari nang makipag-kompetensya sa ibang bansa ang maraming lugar sa Pilipinas.
Bukod sa inaasahang pagbaba ng presyo ng bigas, magreresulta rin ang pagpasa sa Rice Tarrification Law sa pagbaba ng inflation ng .6 percent batay sa pagtaya ng Bangko Sentral ng Pilipinas.