Umapela ang pinatalsik na si Chief Justice Maria Lourdes Sereno sa Korte Suprema na palawigin hanggang Hunyo 9 ang deadline upang makasagot sa show cause order na inissue laban kanya.
Kaugnay ito sa kanyang pagpapahayag ng pagkadismaya sa ilang miyembro ng hudikatura.
Kinumpirma ni Atty. Josalee Deinla, isa sa mga tagapagsalita ni Sereno na naghain na sila ng mosyon kahapon upang makapagsumite ng tugon ang pinatalsik na Punong Mahistrado.
Mayo 11 nang bigyan si Sereno ng sampung araw upang ipaliwanag kung bakit hindi siya dapat i-sanction dahil sa paglabag sa Code of Professional Responsibility at Code of Judicial Conduct.
—-