Pinag-aaralan na ng kampo ng pamilya Laude ang pagsasampa ng kaso laban sa security personnel na nagbabantay kay US Marine Lance Corporal Joseph Scott Pemberton sa kanyang detention facility sa Camp Aguinaldo.
Ito ayon kay Atty. Harry Roque, pangunahing abogado ng pamilya Laude ay kung magmamatigas ang kampo ni Pemberton na huwag itong ilipat sa pambansang piitan.
Binigyang diin ni Roque na malinaw na pagsuway sa local court order ang patuloy na pag-detain sa sundalo sa joint US military assistance group compound sa Camp Aguinaldo.
Malinaw naman aniya sa desisyon ng Olongapo Court na sa New Bilibid Prisons dapat ikulong si Pemberton.
By Judith Larino
