Handang humarap sa Senado si Justice Secretary Vitaliano Aguirre hinggil sa issue ng “fake news” o pekeng balita bilang tugon sa resolusyon ni Senador Antonio Trillanes.
Una nang naghain ng Senate resolution si Trillanes na naglalayong imbestigahan ang umano’y “misleading information” na nanggagaling sa ilang opisyal ng gobyerno tulad ng nangyari kay Presidential Communications Secretary Martin Andanar at Aguirre.
Ayon kay Trillanes, responsibilidad ng kongreso na tiyaking hindi naaabuso ng mga opisyal ng gobyerno ang kanilang kapangyarihan sa pagpapakalat ng kasinungaligan at propaganda.
Una ng isiniwalat ni Andanar na may Isanlibong Dolyar na ipinamahagi sa Senate media para i-cover ang press conference ni retired SPO3 Arturo Lascañas.
Humingi naman ng paumanhin si Aguirre matapos nitong akusahan si Trillanes at iba pang Senador na planong idawit umano siya sa 50 Million Peso Bribery Scandal SA Bureau of Immigration.
By: Drew Nacino / Bert Mozo