Aminado si Justice Sec. Vitaliano Aguirre na wala siyang ipapakitang sex video ni Sen. Leila de Lima sa pagpapatuloy ng pagdinig ng house committee on justice sa Huwebes, Oktubre 6.
Ito ay sinabi ng kalihim sa kanyang pagdalo sa pagtalakay ng panukalang budget para sa 2017, sa Kamara.
Binigyang diin ni Aguirre na maliban sa wala siyang kopya ng video, ang mga miyembro naman ng komite ang nagbukas ng usaping ito at saka lang itinuro ang kanyang tanggapan.
Umamin din ang kalihim na mayroon na siyang napanood na dalawang version ng video.
By: Katrina Valle / Jill Resontoc
