Bahagyang nakaranas ng aberya ang operasyon ng LRT o Light Rail Transit Line 2 kaninang umaga.
Dakong alas-9:00 ng umaga nang pansamantalang nasuspindi ang biyahe ng LRT Line 2 mula Santolan hanggang Recto Station matapos makaranas ng technical problem.
Ayon kay LRTA Spokesperson Atty. Hernando Cabrera, ito ay dahil sa naranasang power interruption sa LRT depot sa Santolan Station.
Nagbalik normal naman ang operasyon ng LRT Line 2 dakong alas-10:33 kaninang umaga.
By Krista de Dios
