Pinangunahan ni Pangulong Rodrigo Duterte ang pamimigay ng mga cash incentives sa mga atletang nakasungkit ng mga medalya sa katatapos na 2017 Southeast Asian o SEA Games.
Bitbit ang kanilang mga medalya ay nagtungo ang delegasyon ng Pilipinas sa SEA Games sa Malacañang kagabi para tanggapin ang kanilang mga parangal at insentibo.
Tig-tatlong daang libong piso (P300,000) ang naibigay sa mga atletang nakakuha ng gold medals, isang daan at limampung libong piso (P150,000) sa mga silver medallist habang animnapung libong piso (P60,000) sa mga bronze medallists.
Nagbigay naman ng karagdagang limampung libong pisong (P50,000) cash reward para sa gold winner ang Presidential Adviser on Sports, tatlumpong libong piso (P30,000) para sa silver at sampung libong piso (P10,000) naman para sa bronze.
*Presidential Photo
—-
